ne
歡迎進入香港演唱會資訊網站
收藏 訂閱 首頁
側田為6月兩場《My Beautiful Curse》紅館演唱會舉行記者會
來源: 新浪娱乐 2019.03.15 瀏覽次數: 308
信息摘要: 歌手側田為6月兩場《MyBeautifulCurse》紅館演唱會舉行記者會,講到海報主題是自小喜歡的卡通人物「Mr.Bump」,他表示對方經常受傷、碰釘,因此覺得自己也是一樣,期間Mr.Bump更驚喜…

歌手為6月兩場《My Beautiful Curse》紅館演唱會舉行記者會,講到海報主題是自小喜歡的卡通人物「Mr. Bump」,他表示對方經常受傷、碰釘,因此覺得自己也是一樣,期間Mr. Bump更驚喜現身為打氣,搞到他十分開心,還要即場抱抱對方。 

目標唱到80歲 

講到的演唱會概念是由80歲開始倒數唱歌,並希望帶出故事,問他可會變老上陣?他則大賣關子:「總之opening就會好爆!爆過80歲!」問到他在現實中可會唱到80歲?他表示:「最好,好難得有歌手唱到咁耐,仲有人想聽同埋如果身體健康容許,呢個都係我嘅目標。但太遠喇!依家仲有40年。」之後他又透露買了保險,但要90歲才能攞得番錢,他笑言:「到時都唔知仲記唔記得買過保險。(結婚生仔咪得?)咁我又冇諗過,冇理由結婚生仔係為咗幫我睇住份保險。」 

繼新人後再開四面台 

回到演唱會的話題上,他表示上一次在紅館開騷是2017年12月,而今次他是繼新人第一次開騷後,再開四面台:「當時冇乜budget,仲係用番F4個台,之後一直用三面台,因為跳舞控制畫面比較好啲,但四面台氣氛好啲,今次都會用projector,同用唔同角度影住我,等大家好似睇到MV咁。(成本會好貴?)要㗎!惟有喺其他地方慳啲。」 

帶聽眾思考人生 

他又透露今次開騷的形式很不同:「今次我會做個講故事嘅人,故事性強啲,我會請好多單位,後面會有啲人跳芭蕾舞、小朋友或魔術師表演,我就會喺後面唱歌。同埋到時音樂會keep住唔停,就算我中間講嘢,但後面音樂都會直落。」他謂想帶出訊息給大家:「我用中年嘅睇法,好多嘢都經歷過高低起跌,嚟緊50、60歲都仲會繼續有起跌,講吓有啲嘢值唔值得做。(想帶出正面訊息?)想畀大家思考做人為咩。」問到可會有嘉賓?他表示:「有諗過,但要有意思,符合個故事,或者可能喺encore位,會綜藝啲,唔係嘅話驚大家會瞓着。」 


推薦情報
熱搜香港演唱會 更多 >
免費訂閱演唱會最新消息
第壹時間獲取即將開售的演唱會日期、時間和場館信息
copyright© Ticketinghk 香港演唱會門票網 聯絡我們:Info@ticketinghk.com